గృహ ఋణాలు

ఈ రోజు శ్రామిక తరగతిలోని అనేకమందికి, వారి స్వంత గృహాన్ని కలిగి ఉండటమే ప్రధాన ఆశయంగా ఉంది. అయితే, అధికంగా ఉండే రియల్ ఎస్టేట్ ధరలు లేదా అదనపు డబ్బు మన వద్ద లేకపోవడం వంటి కారణాలచే మనలో చాలామందిమి ఒక్క గృహాన్ని కూడా కొనుగోలు చేయలేకపోతున్నాం. మీ కలల గమ్యం- మీ స్వంత గృహం పొందుకోవడానికి లేదా ఒక క్రొత్త కుటుంబం ప్రారంభించడానికి, పెద్ద ఇంటికి మారడానికి లేదా మీ రిటైర్మెంట్ను ఎదుర్కోవడానికి గృహ ఋణం మిమ్మల్ని ఒక అడుగు సమీపంగా తీసుకువెళ్తుంది.

• గృహఋణం అంటే ఏమిటి?
• అందులో ఏయే రకాలు ఉన్నాయి?
• ఆస్తిపై ఋణం అంటే ఏమిటి? వడ్డీ రేట్లు ఎలా ఉంటాయి?
• ఋణంగా పొందగలిగే గరిష్ట మొత్తం ఎంత ఉంటుంది?
• సాధారణంగా తిరిగి చెల్లించే వ్యవధి ఎంత ఉంటుంది?
• వివిధ రకాల వడ్డీ రేట్లు ఏమిటి?
• గృహ ఋణానికి అప్లై చేసుకునేటప్పుడు నాకు ఇంకా ఏయే ఇతర ఖర్చులు ఉంటాయి?
• నేను ఋణానికి అర్హత కలిగి ఉన్నానని నాకెలా తెలుస్తుంది?
• గృహ ఋణానికి అప్లై చేసుకోవడానికి అవసరమైన డాక్యుమెంట్లు ఏమిటి?
• గృహఋణంపై ఉండే పన్ను ప్రయోజనాలు ఏమిటి?
• ఋణాలిచ్చే సంస్థలు వేటి కోసం చూస్తాయి?

గృహ ఋణం అంటే ఏమిటి?

ఒక గృహాన్ని కొనడానికి లేదా నిర్మించడానికి ఒక బ్యాంకు లేదా ఆర్ధిక సంస్థ నుండి అప్పుగా తీసుకునే మొత్తాన్ని గృహ ఋణం అంటారు. ఇదొక సెక్యూర్డ్ ఋణం, ఇందులో ఋణాన్ని తిరిగి చెల్లించేవరకు సంబంధిత ఆస్తి ఋణమిచ్చే సంస్థకు తనఖా చేయబడి ఉంటుంది. బ్యాంక్ లేదా ఆర్ధిక సంస్థ తీసుకున్న ఋణాన్ని వడ్డీతో సహా తిరిగి చెల్లించే వరకు ఆస్తికి సంబంధించిన ఒప్పంద పత్రాలను తన వద్ద ఉంచుకుంటుంది.

Return to top

ఇందులో ఏయే రకాలు ఉన్నాయి?

ఋణం పొందాలనుకునే వారి భిన్న అవసరాలకు తగ్గట్టుగా మార్కెట్లో వివిధ రకాల గృహ ఋణాలు అందుబాటులో ఉన్నాయి:

• • గృహ కొనుగోలు ఋణం క్రొత్త గృహం/అపార్ట్మెంటును కొనుగోలు చేయడానికి లేదా నిర్మించడానికి ఉద్దేశించబడిన అత్యంత సాధారణ రకపు ఋణం.
• • గృహ అభివృద్ధి ఋణం ఇప్పటికే ఉన్న ఋణాన్ని తిరిగి నూతనపరచుకోవడానికి ఈ ఋణాన్ని తీసుకుంటారు.
• • గృహ విస్తరణ ఋణం తమ గృహానికి ఒక క్రొత్త గదిని లేదా క్రొత్త విభాగాన్ని అదనంగా జోడించడం ద్వారా తమ గృహాన్ని విస్తరించాలనుకునే వినియోగదారులకు ఈ ఋణం వర్తిస్తుంది.
• • ఆస్తిపై ఋణం ఇప్పటికే ఉన్న ఆస్తిపై ఋణాన్ని పొందగోరువారికి తగిన ఋణం.
• • భూమి కొనుగోలు ఋణం పెట్టుబడి కొరకు లేదా భవిష్యత్తులో గృహం నిర్మించుకోవడానికి పొందగోరే ఋణం.
• • బ్యాలెన్స్ ట్రాన్స్ఫర్ లోన్ దీన్ని ఇప్పటికే ఉన్న ఋణాన్ని తిరిగి చెల్లించేయడానికి పొందుకునే ఋణం, ఇది ఋణం పొందేవారు తక్కువ వడ్డీ రేటుతో ఋణం పొందటానికి వీలు కలిగిస్తుంది.

Return to top

ఆస్తిపై ఋణం అంటే ఏమిటి? వడ్డీ రేట్లు ఎలా ఉంటాయి?

ఆస్తిపై ఋణం (LAP), దీని పేరులో ఉన్నట్లుగానే ఇది ఋణం పొందగోరువారు స్వభావంలో నివాస లేదా వాణిజ్యపరమైన ఒక ప్రస్తుత ఆస్తిని ఋణమిచ్చే సంస్థ వద్ద తాకట్టు పెడుతూ పొందే ఋణం. ఇదొక సెక్యూర్డ్ ఋణం, ఇందులో ఋణం పొందే వ్యక్తి తన ఆస్తిని సెక్యూరిటీగా ఉపయోగిస్తూ గ్యారంటీ ఇస్తారు. ఆస్తికి మార్కెట్లో ఉండే విలువలో సాధారణంగా 40% - 60% మధ్య ఉండే కొంత నిర్దిష్ట శాతంపై ఆధారపడి ఋణమిచ్చే సంస్థ మంజూరు చేసే ఋణం ఉంటుంది. ఆస్తిపై ఋణానికి వడ్డీరేట్లు 12%-16% మధ్యలో ఉంటాయి.

Return to top

ఋణంగా పొందగలిగే గరిష్ట మొత్తం ఎంత ఉంటుంది?

ఋణమిచ్చే సంస్థలు సాధారణంగా ఆస్తికున్న విలువలో 80-85% వరకు ఋణాన్ని అందిస్తారు. సాధారణంగా ఋణంగా అందించబడే మొత్తం ఋణం పొందుతున్నవారి స్థితి (నివాసి/నివాసి కాదు), గృహ ఋణం రకము (రినోవేషన్, ఆస్తి కొనుగోలు, ఆస్తి విస్తరణ) మరియు ఋణం అందించే సంస్థపై ఆధారపడి ఉంటుంది.

Return to top

సాధారణంగా తిరిగి చెల్లించే వ్యవధి ఎంత ఉంటుంది?

ఆదాయం మరియు ప్రస్తుతం ఉన్న EMI లపై ఆధారపడి ఋణం పొందేవారి తిరిగి చెల్లించగలిగే సామర్ధ్యాన్ని పరిగణలోనికి తీసుకుని రీపేమెంట్ వ్యవధి నిర్ణయించబడుతుంది. ఒక గృహఋణాన్ని పొందగలిగే వ్యవధి 5-30 సంవత్సరాల మధ్యలో ఉంటుంది.

Return to top

వివిధ రకాల వడ్డీ రేట్లు ఏమిటి?

ఋణమిచ్చే సంస్థలు స్థిర లేదా ఫ్లోటింగ్ వడ్డీ రేటును అందిస్తాయి:

స్థిర వడ్డీ రేటు మొత్తం ఋణ వ్యవధికి స్థిరంగా ఉంటూ ఒక స్థిరమైన EMI మొత్తాన్ని చెల్లించాల్సి ఉంటుంది.

ఫ్లోటింగ్ వడ్డీ రేటు అంటే మీ వడ్డీ రేటు, మారే మార్కెట్ పరిస్థితులపై ఆధారపడి ఋణ వ్యవధిలో మారుతుంటుంది.

వడ్డీ రేట్లు, ఋణం పొందగోరేవారి అవసరాలకు తగ్గట్టుగా పాక్షికంగా స్థిరంగా లేదా పాక్షికంగా ఫ్లోటింగ్గా ఉండవచ్చు.

Return to top

గృహ ఋణానికి అప్లై చేసుకునేటప్పుడు నాకు ఇంకా ఏయే ఇతర ఖర్చులు ఉంటాయి?

గృహ ఋణానికి, గృహం ధరతో పాటు ప్రాధమిక రిజిస్ట్రేషన్ ఛార్జీలు, బదిలీ ఛార్జీలు మరియు స్టాంప్ డ్యూటీ ఖర్చులు అదనంగా కలుపబడతాయి. కొన్ని ఇతర ఛార్జీలలో ఉండేవి:

ప్రాసెసింగ్ ఛార్జీ లేదా బుకింగ్ ఫీజు - మీరు లోన్ కోసం అప్లై చేసుకున్నప్పుడు ఋణమిచ్చే సంస్థకు చెల్లించేది. ఇది స్థిరమొత్తంగా లేదా మీరు పొందే లోన్లో శాతంగా ఉండవచ్చు.

ప్రీ పేమెంట్ పెనాల్టీ – అంగీకరించిన వ్యవధికి ముందే ఋణాన్ని చెల్లించే సందర్భంలో, కొన్ని ఋణ సంస్థలు, ముందుగా చెల్లించే మొత్తంపై 2% వరకు ఛార్జీ విధించవచ్చు.

ఇతర ఖర్చులు – డాక్యుమెంటేషన్ లేదా లీగల్ ఫీజు ఉండవచ్చు, దీనినే అప్లికేషన్ ఫీజు అని కూడా పిలుస్తారు.

Return to top

నేను ఋణానికి అర్హత కలిగి ఉన్నానని నాకెలా తెలుస్తుంది?

ఋణ అర్హత ప్రమాణాలు ఒక సంస్థ నుండి మరో సంస్థకు భిన్నంగా ఉంటాయి. అయితే, కొన్ని ముఖ్య ఆవశ్యకతలు ఏవంటే:

1. వేతనం పొందే లేదా స్వయం ఉపాధి కల వ్యక్తి
2. కనీసం 21 ఏళ్ళ వయసు
3. మంచి ఉద్యోగ చరిత్రతో పాటు నిలకడగా ఉన్న ఆదాయ వనరులు
4. మీ లోన్ అప్లికేషన్ను ఆమోదించడానికి ముందు ఋణాన్నిస్తున్న సంస్థ మీ CIBIL స్కోరును పరిశీలిస్తాయి. మీ స్కోరు ఎంత అధికంగా ఉంటే మీ లోన్ అప్లికేషన్ ఆమోదించబడే అవకాశాలు అంత అధికంగా ఉంటాయి.

మీ గృహ ఋణ అర్హతను తెలుసుకోవడానికి ఇక్కడ క్లిక్ చేయండి.

Return to top

గృహ ఋణానికి అప్లై చేసుకోవడానికి అవసరమైన డాక్యుమెంట్లు ఏమిటి?

గృహ ఋణానికి అప్లై చేసుకునేటప్పుడు సమర్పించవలసిన డాక్యుమెంట్లు ఒక ఋణదాత సంస్థ నుండి మరొక సంస్థకు మారవచ్చు. అయితే, అధిక శాతం ఋణమిచ్చే సంస్థలకు అవసరమయ్యే సాధారణ డాక్యుమెంట్లలో ఉండేవి:

వేతనదారులకు అవసరమయ్యే డాక్యుమెంట్లు:

• ఐడెంటిటీ ప్రూఫ్: ఆధార్ కార్డ్, పాస్పోర్ట్, డ్రైవింగ్ లైసెన్స్, వోటర్ ఐడి లేదా పాన్ కార్డ్
• అడ్రస్ ప్రూఫ్: ఆధార్ కార్డ్, పాస్పోర్ట్, డ్రైవింగ్ లైసెన్స్, వోటర్ ఐడి లేదా వినిమయ బిల్లులు
• ఇటీవలి 3 నెలల బ్యాంక్ స్టేట్మెంట్
• గత 3 నెలల శాలరీ స్లిప్

స్వయం ఉపాధి కలిగిన వారికి అవసరమయ్యే డాక్యుమెంట్లు:

• ఐడెంటిటీ ప్రూఫ్: ఆధార్ కార్డ్, పాస్పోర్ట్, డ్రైవింగ్ లైసెన్స్, వోటర్ ఐడి లేదా పాన్ కార్డ్
• అడ్రస్ ప్రూఫ్: ఆధార్ కార్డ్, పాస్పోర్ట్, డ్రైవింగ్ లైసెన్స్, వోటర్ ఐడి లేదా వినిమయ బిల్లులు
• ఇన్కం ప్రూఫ్: గత రెండు సంవత్సరాలవి ఆడిట్ చేయబడిన ఆర్ధిక వివరాలు
• గత 6 నెలల బ్యాంక్ స్టేట్మెంట్
• ఆఫీస్ అడ్రస్ ప్రూఫ్

Return to top

గృహఋణంపై ఉండే పన్ను ప్రయోజనాలు ఏమిటి?

అసలు ఋణ మొత్తం మరియు దానిపై తిరిగి చెల్లించే వడ్డీ, రెండింటిపై వరుసగా ఐటి చట్టం సెక్షన్ 80C మరియు సెక్షన్ 24 క్రింద పన్ను ప్రయోజనాలు వర్తిస్తాయి. అయితే, ఈ ప్రయోజనాల గురించి మరింత తెలుసుకోవడానికి దయచేసి మీ అకౌంటెంట్ను సంప్రదించండి.

Return to top

ఋణాలిచ్చే సంస్థలు వేటి కోసం చూస్తాయి?

మీ గృహ ఋణం అప్లికేషన్పై ఒక నిర్ణయానికి వచ్చే ముందు ఋణమిచ్చే సంస్థలు అనేక అంశాలను పరిశీలిస్తారు:

CIBIL స్కోర్ మరియు రిపోర్ట్: మీ ఋణం ఆమోదించబడటానికి ఇది చాలా ప్రాముఖ్యమైన అంశాలలో ఒకటి. CIBIL అధికంగా ఉండటం అనేది సమయానికి పేమెంట్లు చేసే మంచి ట్రాక్ రికార్డ్తో బాధ్యత కల ఋణగ్రహీతగా మీ గురించి ఋణసంస్థలకు నిశ్చయతను కలిగిస్తుంది.

ఉపాధి స్థితి: మంచి క్రెడిట్ చరిత్రతో పాటు, మీకు నిలకడైన ఆదాయం మరియు ఉద్యోగ స్థితి ఉందా అని ఋణ సంస్థలు పరిశీలిస్తాయి.

ఇంటికి/ఆస్తికి క్లీన్ టైటిల్: మీ గృహం/భూమికి సంబంధించి ఏదైనా న్యాయపరమైన లేదా ఆస్తి పరమైన సమస్య ఉంటే అది ఋణసంస్థలు మీకు అనుకూలంగా నిర్ణయం తీసుకోకుండా చేయగలదు. కాబట్టి, ఒక ఆస్తిని కొనేటప్పుడు ఎప్పుడూ అంతిమంగా న్యాయ సలహా పొందండి.

గృహం ఉండే ప్రదేశం: కొన్నిసార్లు మీ గృహ ఋణ అప్లికేషన్ను ఆమోదించడానికి ముందు ఆ గృహాన్ని మీరు తీసుకుంటున్న ప్రదేశాన్ని కూడా పరిగణన లోనికి తీసుకుంటారు.

ఋణసంస్థ మీ అప్లికేషన్ను తిరస్కరించకుండా ఉండేందుకు మీ ఉచిత CIBIL స్కోర్ మరియు రిపోర్ట్ను చూసి తద్వారా మీ క్రెడిట్ హిస్టరీ మరియు వ్యక్తిగత వివరాలు అన్నీ సరిగా ఉన్నాయని ధృవీకరించుకోవడానికి ఇక్కడ చేయండి.

Return to top

Document Checklist

* This is an indicative list and may differ from lender to lender.

Loan Eligibility Calculator

Click here to check your loan eligibility and EMI calculator