మీ కారు లోన్‌ మీ CIBIL స్కోర్‌ను ఎలా ప్రభావితం చేస్తుంది?

సరికొత్తదా లేదా పాత కారు కొనుగోలు చేశారా అనే దానితో సంబంధం లేకుండా కారు కొనడం ఖరీదైన వ్యవహారం, అందుకే చాలా మంది కొనుగోలుదారులు కారు లోన్‌ని ఎంచుకుంటారు. కొంతమంది రుణదాతలు పూర్తి ఎక్స్-షోరూమ్ ధరకు లోన్‌ని అందించవచ్చు, మరికొందరు కారు విలువలో 80% వరకు మాత్రమే లోన్‌ని అందించవచ్చు. అందువల్ల, లోన్‌ కోసం దరఖాస్తు చేయడానికి ముందు, మీకు వాస్తవంగా అవసరమైన మొత్తం రుణ మొత్తం, మరుగున పెట్టిన ఖర్చులు, వడ్డీ రేట్లు మరియు రుణదాతల మధ్య తిరిగి చెల్లించే నియమనిబంధనల గురించి మీరు స్పష్టంగా ఉన్నారని నిర్ధారించుకోండి.

కారు లోన్ అండర్ రైటింగ్ ప్రక్రియ సమయంలో, రుణదాతలు లోన్‌ దరఖాస్తుదారుడి క్రెడిట్ అర్హతను నిర్ధారించేటప్పుడు వివిధ అంశాలను చూస్తారు. ఇప్పుడు, మీ CIBIL స్కోర్ మరియు రిపోర్ట్ చాలా ముఖ్యమైన కారకాల్లో ఒకటి. అధిక CIBIL స్కోర్ 750+ మీకు వేగవంతమైన, సులభమైన కారు లోన్ అప్రూవల్ పొందడంలో అదనపు ప్రయోజనం చేకూరుస్తుంది. బ్యాంకులు మరియు రుణదాతలు అధిక స్కోరు ఉన్న వినియోగదారులను ఇష్టపడతారు ఎందుకంటే ఇది క్రెడిట్ స్పృహ ఉన్న వ్యక్తిని అంటే - మంచి క్రెడిట్ హిస్టరి మరియు సానుకూల తిరిగి చెల్లింపు ధోరణులు ఉన్న వ్యక్తిని సూచిస్తుంది. అన్నింటికీ మించి, గత క్రెడిట్ ప్రవర్తన భవిష్యత్తు క్రెడిట్ అలవాట్లకు బలమైన సూచిక, మరియు రుణదాతలు లోన్‌ని సకాలంలో తిరిగి చెల్లించే బాధ్యతాయుతమైన వ్యక్తులకు రుణాలను ఆమోదిస్తున్నారని నిర్ధారించుకోవాలని కోరుకుంటారు. కార్ లోన్ అప్లికేషన్ ప్రాసెస్ లో CIBIL స్కోర్ ఒక అంతర్భాగం కాబట్టి, లోన్‌ కోసం దరఖాస్తు చేయడానికి ముందు మీరు మీ CIBIL స్కోర్ తెలుసుకోవాలి.

మీ కారు లోన్ దరఖాస్తును మీ CIBIL స్కోర్ మరియు రిపోర్ట్‌తో పాటు, ఇతర అంశాలు కూడా ప్రభావితం చేస్తాయి. స్థిరమైన ఉద్యోగం మరియు స్థిరమైన నెలవారీ ఆదాయం మొత్తం లోన్ కాలపరిమితిలో వినియోగదారుడు లోన్‌ని తిరిగి చెల్లించగలడని రుణదాతకు భరోసా ఇస్తుంది. మరొక నమ్మదగిన సూచిక మీ EMI మరియు ఆదాయ నిష్పత్తి ద్వారా సూచించిన విధంగా మీ క్రెడిట్ సామర్థ్యం. ఇది మీ ప్రస్తుత రుణ EMIలను మీ నికర నెలవారీ ఆదాయంతో పోలుస్తుంది మరియు రుణదాతలు మీ ఆర్థిక బాధ్యతలను మరియు తిరిగి చెల్లించే సామర్థ్యాన్ని అంచనా వేయడానికి సాయపడుతుంది. మీ నెలవారీ ఆదాయంలో మీ EMIలు 30% లోపు ఉంటే, రుణదాతలు దీనిని సానుకూలంగా చూస్తారు.

ఇప్పుడు, మీకు తక్కువ క్రెడిట్ స్కోర్ ఉంటే లేదా మీరు రుణం తీసుకోవడానికి కొత్త మరియు ఇంకా CIBIL  స్కోర్ లేకపోతే ఏమిటి? తక్కువ స్కోర్ ఉన్నంత మాత్రాన లోన్‌ పొందలేమని కాదు. బదులుగా, లోన్‌ కోసం దరఖాస్తు చేయడానికి ముందు అధిక CIBIL స్కోర్ కోసం పనిచేయండి. అధిక స్కోరు మరియు పాజిటివ్ క్రెడిట్ ఫుట్‌ప్రింట్‌ను సాధించడంలో మీకు సాయపడే కొన్ని దశలు ఇక్కడ ఉన్నాయి:

1. ఎల్లప్పుడూ మీ బకాయిలను సకాలంలో చెల్లించండి: ఋణాలిచ్చే సంస్థలు ఆలస్య చెల్లింపులను నెగెటివ్ాంశంగా భావిస్తాయి.
2. మీ బ్యాలెన్సులను తక్కువగా కొనసాగించండి: ఎల్లప్పుడూ మితిమీరి క్రెడిట్‌‌ను వినియోగించకుండా, మీ క్రెడిట్ వినియోగాన్ని నియంత్రించుకుంటూ వివేకంతో వ్యవహరించండి.
3. మీ ఋణాలను సమపాళ్లలో నిర్వహించండి: సెక్యూర్డ్ (ఇంటి ఋణం, వాహన ఋణం వంటివి) మరియు అన్ సెక్యూర్డ్ ఋణాల (వ్యక్తిగత ఋణం, క్రెడిట్ కార్డ్ వంటివి) ఆరోగ్యకరమైన పాళ్లలో ఉండడం మంచిది. మరీ ఎక్కువ అన్ సెక్యూర్డ్ ఋణాలు నెగెటివ్ అభిప్రాయాన్ని కలిగిస్తాయి.
4. మీ కో-సైన్డ్, గ్యారంటీడ్ మరియు జాయింట్ ఖాతాలను ప్రతినెలా పర్యవేక్షించుకోండి: సహసంతకం చేసిన, గ్యారెంటీ ఇచ్చిన లేదా సంయుక్తంగా నిర్వహించిన అకౌంట్‌ల్లో, చెల్లింపులు మిస్ అయితే, దానికి మీరు సమానంగా బాధ్యత వహిస్తారు. మీ జాయింట్ హోల్డర్ (లేదా గ్యారంటీ పొందిన వ్యక్తి) నిర్లక్ష్యం మీ అవసరతలో మీరు ఋణం పొందే సామర్ధ్యాన్ని దెబ్బతీస్తుంది.
5. సంవత్సరం పొడవునా మీ క్రెడిట్ చరిత్రను తరచూ సమీక్షిస్తూ ఉండండి: లోన్ అప్లికేషన్ తిరస్కరణ రూపంలో ఇబ్బంది కలిగించే ఆశ్చర్యాలకు గురికాకుండా ఉండటానికి మీ CIBIL స్కోరును మరియు రిపోర్టును ఎప్పటికప్పుడు పర్యవేక్షిస్తూ ఉండండి.

అధిక CIBIL స్కోర్‌కు కొంచెం సమయం మరియు శ్రమ అవసరమని ఎల్లప్పుడూ గుర్తుంచుకోండి. అంతిమంగా, అధిక స్కోరు మీ కారు లోన్‌కి మాత్రమే కాకుండా ఇతర ఆర్థిక లక్ష్యాలకు కూడా మీరు లోన్‌ని పొందడాన్ని సులభతరం చేస్తుంది.