CIBIL స్కోరు అనేది 3 అంకెల సంఖ్యతో తెలిపే మీ క్రెడిట్ చరిత్ర సారాంశం, ఇది మీ CIBIL రిపోర్టులోని ‘ఖాతాలు’ మరియు ‘విచారణలు’ విభాగంలో 300 నుండి 900 మధ్య ఉంటుంది. మీ స్కోరు 900 కు ఎంత దగ్గరగా ఉంటే మీ లోన్ అప్లికేషన్ ఆమోదించబడే అవకాశాలు అంత అధికంగా ఉంటాయి.

రుణం మరియు క్రెడిట్ కార్డు అప్లికేషన్‌ల విషయానికి వస్తే CIBIL అవసరం. అధిక CIBIL స్కోరు (900కు దగ్గరగా) ఉన్నట్లయితే, మీకు మంచి ఫైనాన్షియల్ హిస్టరీ ఉన్నట్లుగా సూచిస్తుంది మరియు రుణదాతలు అటువంటి వ్యక్తులకు రుణాన్ని ఇవ్వడంలో ఎక్కువ నమ్మకాన్ని కనపరుస్తారు. మీ రుణ పరిమితి మరియు వడ్డీ వంటివి మీ CIBIL స్కోరుపై ఆధారపడి ఉంటాయి.

భారతదేశపు మొట్టమొదటి క్రెడిట్ ఇన్ఫర్మేషన్ కంపెనీ అయిన క్రెడిట్ ఇన్ఫర్మేషన్ బ్యూరో ఆఫ్ ఇండియా లిమిటెడ్ (CIBIL) లోన్‌లు మరియు క్రెడిట్ కార్డులు వంటి వ్యక్తిగత మరియు వ్యక్తిగతేతర (వాణిజ్య సంస్థలు) క్రెడిట్ సంబంధిత లావాదేవీల రికార్డులను సేకరిస్తుంది మరియు నిర్వహిస్తుంది.  బ్యాంకులు, ఇతర రుణదాతలు నెలవారీగా క్రెడిట్ బ్యూరోకు ఈ రికార్డులు అందజేస్తారు. ఈ సమాచారాన్ని ఉపయోగించి క్రెడిట్ ఇన్ఫర్మేషన్ రిపోర్ట్ (CIR), CIBIL స్కోర్‌ను రూపొందిస్తారు.

మీ CIBIL స్కోరు వివిధ కారకాలపై ఆధారపడి ఉంటుంది. మీ స్కోరును మెరుగుపరచుకోవడంలో సాయపడే 6 దశలు దిగువన ఇవ్వబడ్డాయి:

• ఎల్లప్పుడూ సకాలంలో మీ బకాయిలను చెల్లించండి
• మీ క్రెడిట్ బ్యాలెన్స్‌లను తక్కువగా ఉంచుకోండి
• కొత్త క్రెడిట్ కోసం మితంగా దరఖాస్తు చేయండి
• సెక్యూర్డ్ (హోమ్ లోన్, ఆటో లోన్ వంటివి) మరియు అన్ సెక్యూర్డ్ లోన్‌లు (పర్సనల్ లోన్, క్రెడిట్ కార్డులు వంటివి) ఆరోగ్యకరమైన క్రెడిట్ మిశ్రమాన్ని నిర్వహించండి.
• మీ సహ-సంతకం చేసిన, గ్యారెంటీడ్ మరియు జాయింట్ ఖాతాలను నెలవారీ మానిటర్ చేయండి
• ఏడాది పొడవునా మీ క్రెడిట్ హిస్టరీని తరచుగా సమీక్షించండి.

మీరు మీ స్వంత క్రెడిట్ స్కోర్ లేదా క్రెడిట్ రిపోర్టును తనిఖీ చేసినప్పుడు, దానిని "సాఫ్ట్ ఎంక్వైరీ" గా పరిగణిస్తారు. మీ క్రెడిట్ స్కోర్‌ను మీరు ఎన్నిసార్లు తనిఖీ చేసినా మీ CIBIL స్కోర్ ప్రభావితం కాదు. ఏది ఏమైనప్పటికీ, కొత్త క్రెడిట్ కార్డ్ లేదా లోన్ అప్లై చేసే సమయంలో బ్యాంకులు లేదా ఆర్థిక సంస్థలు మీ క్రెడిట్ నివేదికను తనిఖీ చేస్తే, దానిని "హార్డ్ ఎంక్వైరీ"గా పరిగణిస్తారు, ఇది మీ స్కోరును ప్రభావితం చేస్తుంది.

అతి తక్కువ వ్యవధిలో హార్డ్ ఎంక్వైరీలు ఎక్కువగా చేసినట్లయితే చేసినట్లయితే, అది "క్రెడిట్ ఆకలి ప్రవర్తన" అని పిలువబడే దానిని ప్రదర్శిస్తుంది మరియు ఇది మీ క్రెడిట్ స్కోరును దెబ్బతీస్తాయి.

మీ రిపోర్ట్‌ను మీరు ఎంత కాలం యాక్సెస్ చేసుకోవాలని అనుకుంటున్నారనే దాని ఆధారంగా మా వద్ద వివిధ రకాలైన ప్లాన్‌లు ఉన్నాయి. మీరు ఇక్కడ ప్లాన్‌లను చూడవచ్చు. మా పెయిడ్ ప్లాన్‌ల్లో వేటిలోనూ మీకు ఆసక్తిగా లేనట్లయితే, మీరు ఇంకా ఉచిత CIBIL క్రెడిట్ రిపోర్ట్‌ కొరకుఇక్కడ ఎంచుకోవచ్చు. ఉచితంగా, మీరు ఒక్కసారి స్కోరును పొందుతారు పెయిడ్ ప్లాన్‌లో లభ్యమయ్యే ఇతర ఫీచర్‌లు అలర్ట్‌లు మరియు స్కోరు సిమ్యులేటర్ వంటి ఇతర ఫీచర్‌లు లభ్యం కావు.